

D2990

།[་]@##། །དཔལ་རྡོ་རྗེ་ཅན་ལ་ཕྱག་འཚལ་ལོ། །ལྷ་མ་ཡིན་གྱི་གདོན་ལས་ཐར་བར་འདོད་པས། སྔོན་དུ་དུས་དང་མཚན་ཉིད་ཤེས་པར་བྱའོ། །གཟི་བརྗིད་ཆེ། ལུས་ཆེ་ལ་ཡོན་ཏན་ཅན་ལ་ལྷ་མ་ཡིན་གྱི་གདོན་ཚེས་ལྔ་ལ་འཇུག་གོ། །ཞུགས པའི་མཚན་མ་ནི་ངུ་ཞིང་རེས་དགོད།རེས་སོ་འདེབས་པར་བྱེད། སྐྱུག་པར་བྱེད། རྒོད་པ་དྲག་པོར་བྱེད་དོ། །དེ་ལས་ཐར་བའི་ཐབས་ནི་གཏོར་མ་ནི་སྤོས་དང་། མེ་ཏོག་སྣ་ཚོགས་པའི་ཕྲེང་བ་དང་། པདྨ་དང་། ཨུཏྤལ་དམར་པོའི་འདབ་མ་དང་། ཤ་བཙོས་པ་དང་། རྗེན་པ་ དང་།སྔགས་པས་གཙང་སྦྲ་བྱས་ཏེ། ནུབ་ཕྱོགས་སུ་གཏོར་མ་སྦྱིན་ནོ། །དེ་ནས་ནད་པ་ཁྲུས་བྱས་ལ་འབྲས་བུ་གསུམ་དང་ཚ་བ་གསུམ་དང་པུ་ཤེལ་ཙེ་དང་། རྩ་བ་ལྔ་རྣམས་ཆ་བསྙམས་ལ་མར་ཕུལ་བཞི་དང་བའི་གཅིན་ཕུལ་བཞི་མེ་ཆུང་བས་དལ་གྱིས་བཙོའོ། །